فعلاً صدقوا اللي قالوا " إذا شفت مصيبة غيرك تهون مصيبتك "
اليوم انكشفت لي أسرار هالشخص اللي دخل حياتي من ثلاث أربع أيام .. ما ادري شو اوصف نفسي ؟ عديمة احساس أو متبلدة الاحاسيس او بلا قلب او " انانية " .. او اني حريصة ؟ ما اعرف
هذا الشخص عرفته في البلياردو على النت .. كنا نلعب مع بعض و انا بطبعي سوالف و ادخل القلب بسرعة و اللي معاي يرتاح لي
المهم دخلت العب وياه و اسولف كان بيعطيني رقمه بس قلت له انه ما عندي موبايل
و هو قال و انا ما عندي ايميل .. المهم يا وقت صلاة الظهر و طلعنا نصلي على أمل إنه نلتقي بعد الصلاة
انا خلصت الصلاة و قعدت ادور على نكه بنفس الروم ما لقيته قعدت على النت لين صار الوقت ليل و لقيته أخيراً بعد صلاة العشاء
قال لي ما بغينا نشوفج وينج قاعدين ندور عليج من العصر قلت له اني انا بعد قاعدة ادور عليه
المهم لما كنا نلعب كان يتأخر شوي فسألته ليش تتأخر في اللعب قال انه يسوي ايميل
و فعلاً عطاني اياه و ضفته
انا ما اقدر احس بالحب ما اقدر .. بس الكلام يطلع لحاله يواسي الغير بس بدون مشاعر
شفت كثار يستغلون هالمشاعر فقلت لها روحي في سبات عميق
المهم
صار لي كم يوم اكلمه و هو يواسيني و انا بطبيعتي متضايقة و كارهة العالم بس ما احب ابين للناس
كل يوم قبل ما يطلع يقول لي لا تتضايقين و لا تزعلين
يحليله اصلا انا وين احس ؟ احساسيسي كلها تبلدت بسبتكم انتوا المستغلين للعاطفة .. كل واحد يقول كلام على حسب مصلحته
ادري انه مو كل الناس سواسيه مثل ما مو كل اصابعك سواسيه
يعني في الزين و في الشين
بس الاغلبية اشوفه شين
المهم بعدها بدت قصة احبج و تحبيني معاه .. يسأل عني و أشوفه كل ما رد من الكلية يحدر المسن و في الليل
يعني كل ما حصل وقت فاضي يحدر
يقول لي انا ما صدقت احصل بنت مثلج .. ما كنت اعرف شو يقصد
المهم ..
اليوم كنت متضايقة حدي ما اعرف ليش ما في شي اسويه يعني البطالي اللي ما عنده شي شو بذمتكم يسوي ؟
ما اقدر اطلع ما اروح مكان كله في البيت ما عندي شي غير هالنت و هالاشخاص اللي ما اعرف عنهم شي
كنا نتكلم فهو تطرق لسالفة أمه .. أمه مريضة في المستشفى مرقدة من ثلاث ايام الحين و هو كل يوم يروح يزورها
الولد ما ياكل لا يتغدى عدل و لا يفطر زين و يتعشى .. انا ما كنت اعرف شو حالته
أسأله بس ما يقول لي شي يقول لي خليها على الله و انا ما احب اضايقه او اجبره انه يتكلم
فلما ياب سالفة امه قعد يتمصخر انه قال لامه عني اني اسلم عليها و امه قالت الله يسلمكم و يخليكم لبعض .. يعني يتطنز
انا تضايقت من هاي السالفة لأني تذكرت ربيعتي اللي خطبتني أمها حق ولدها .. اللي أصلاً ما كان يبيني
المهم لما اتضايق ما احب اتكلم وايد لأني " بجيب العيد " على قولة السعوديين .. يعني بخلي اللي جدامي يعاف القعدة
فهو قال شكلج مليتي مني ، قلت له لا ما مليت منك ، فقال لي شكلي انا اللي مضايقج يالله انا بظهر ، فرديت عليه خلاص روح الله وياك اصلاً محد يهتم < طلعت عفوية
" محد يهتم " > أثرت فيه بشكل ما اتصور
طلّع كل اللي في قلبه مرة وحدة علي ، عرفت انه اكبر ولد و ابوه توفى و امه في المستشفى و اعمه يتصل فيه كل شوي يطالبه بفلوس و هو عنده اخوان اصغر منه و يروح الكلية و ريله وحدة ما اعرف شصار فيها و مسوي عملية باقي فيها 18 خيط ينشال كل اسبوع يشيلون له خيط و فوقها ما عندهم سواق و هو اللي يسوق
بعد ما طلع كل اللي في قلبه قال لي شوفي احد عنده كل هالمشاكل و يهتم فيج ، يا ريت لو اطلع الحين و اموت يكون احسن
انا حاولت ابرر له موقفي اني ما كنت اعرف عنه شي و انه ما كان راضي يخبرني
بس هو طلع بعد ما طلب مني ما اتضايق
بعد ما طلع ما ادري كنت ابي اصيح .. بس الدموع خانتني .. ما في اي احساس يطلع ؟؟
حسيت ان هالانسان قوي و كيف بني آدم قوي لهادرجة و يتحمل سبحان الله خالقنا
رحت آكل غداي .. حسيت انه اللقمة مو راضية تدخل
كيف هذا الانسان يعاني ؟ انا بس سمعت سالفته و مو قادرة آكل
هو شو حالته ؟ ما يقدر يدخل شي في بطنه ما يقدر يتهنى باللي ياكله كله يفكر باللي يسويه باكر لاخوانه و امه و شو يسوي بحالة عمه و شو يسوي بنفسه
ما نقول غير الله المستعان
اليوم انكشفت لي أسرار هالشخص اللي دخل حياتي من ثلاث أربع أيام .. ما ادري شو اوصف نفسي ؟ عديمة احساس أو متبلدة الاحاسيس او بلا قلب او " انانية " .. او اني حريصة ؟ ما اعرف
هذا الشخص عرفته في البلياردو على النت .. كنا نلعب مع بعض و انا بطبعي سوالف و ادخل القلب بسرعة و اللي معاي يرتاح لي
المهم دخلت العب وياه و اسولف كان بيعطيني رقمه بس قلت له انه ما عندي موبايل
و هو قال و انا ما عندي ايميل .. المهم يا وقت صلاة الظهر و طلعنا نصلي على أمل إنه نلتقي بعد الصلاة
انا خلصت الصلاة و قعدت ادور على نكه بنفس الروم ما لقيته قعدت على النت لين صار الوقت ليل و لقيته أخيراً بعد صلاة العشاء
قال لي ما بغينا نشوفج وينج قاعدين ندور عليج من العصر قلت له اني انا بعد قاعدة ادور عليه
المهم لما كنا نلعب كان يتأخر شوي فسألته ليش تتأخر في اللعب قال انه يسوي ايميل
و فعلاً عطاني اياه و ضفته
انا ما اقدر احس بالحب ما اقدر .. بس الكلام يطلع لحاله يواسي الغير بس بدون مشاعر
شفت كثار يستغلون هالمشاعر فقلت لها روحي في سبات عميق
المهم
صار لي كم يوم اكلمه و هو يواسيني و انا بطبيعتي متضايقة و كارهة العالم بس ما احب ابين للناس
كل يوم قبل ما يطلع يقول لي لا تتضايقين و لا تزعلين
يحليله اصلا انا وين احس ؟ احساسيسي كلها تبلدت بسبتكم انتوا المستغلين للعاطفة .. كل واحد يقول كلام على حسب مصلحته
ادري انه مو كل الناس سواسيه مثل ما مو كل اصابعك سواسيه
يعني في الزين و في الشين
بس الاغلبية اشوفه شين
المهم بعدها بدت قصة احبج و تحبيني معاه .. يسأل عني و أشوفه كل ما رد من الكلية يحدر المسن و في الليل
يعني كل ما حصل وقت فاضي يحدر
يقول لي انا ما صدقت احصل بنت مثلج .. ما كنت اعرف شو يقصد
المهم ..
اليوم كنت متضايقة حدي ما اعرف ليش ما في شي اسويه يعني البطالي اللي ما عنده شي شو بذمتكم يسوي ؟
ما اقدر اطلع ما اروح مكان كله في البيت ما عندي شي غير هالنت و هالاشخاص اللي ما اعرف عنهم شي
كنا نتكلم فهو تطرق لسالفة أمه .. أمه مريضة في المستشفى مرقدة من ثلاث ايام الحين و هو كل يوم يروح يزورها
الولد ما ياكل لا يتغدى عدل و لا يفطر زين و يتعشى .. انا ما كنت اعرف شو حالته
أسأله بس ما يقول لي شي يقول لي خليها على الله و انا ما احب اضايقه او اجبره انه يتكلم
فلما ياب سالفة امه قعد يتمصخر انه قال لامه عني اني اسلم عليها و امه قالت الله يسلمكم و يخليكم لبعض .. يعني يتطنز
انا تضايقت من هاي السالفة لأني تذكرت ربيعتي اللي خطبتني أمها حق ولدها .. اللي أصلاً ما كان يبيني
المهم لما اتضايق ما احب اتكلم وايد لأني " بجيب العيد " على قولة السعوديين .. يعني بخلي اللي جدامي يعاف القعدة
فهو قال شكلج مليتي مني ، قلت له لا ما مليت منك ، فقال لي شكلي انا اللي مضايقج يالله انا بظهر ، فرديت عليه خلاص روح الله وياك اصلاً محد يهتم < طلعت عفوية
" محد يهتم " > أثرت فيه بشكل ما اتصور
طلّع كل اللي في قلبه مرة وحدة علي ، عرفت انه اكبر ولد و ابوه توفى و امه في المستشفى و اعمه يتصل فيه كل شوي يطالبه بفلوس و هو عنده اخوان اصغر منه و يروح الكلية و ريله وحدة ما اعرف شصار فيها و مسوي عملية باقي فيها 18 خيط ينشال كل اسبوع يشيلون له خيط و فوقها ما عندهم سواق و هو اللي يسوق
بعد ما طلع كل اللي في قلبه قال لي شوفي احد عنده كل هالمشاكل و يهتم فيج ، يا ريت لو اطلع الحين و اموت يكون احسن
انا حاولت ابرر له موقفي اني ما كنت اعرف عنه شي و انه ما كان راضي يخبرني
بس هو طلع بعد ما طلب مني ما اتضايق
بعد ما طلع ما ادري كنت ابي اصيح .. بس الدموع خانتني .. ما في اي احساس يطلع ؟؟
حسيت ان هالانسان قوي و كيف بني آدم قوي لهادرجة و يتحمل سبحان الله خالقنا
رحت آكل غداي .. حسيت انه اللقمة مو راضية تدخل
كيف هذا الانسان يعاني ؟ انا بس سمعت سالفته و مو قادرة آكل
هو شو حالته ؟ ما يقدر يدخل شي في بطنه ما يقدر يتهنى باللي ياكله كله يفكر باللي يسويه باكر لاخوانه و امه و شو يسوي بحالة عمه و شو يسوي بنفسه
ما نقول غير الله المستعان
